යුනිලිවර් ශ්‍රී ලංකා සමඟ හෝර්ලික්ස් සහ වීවා නව ගමනක් අරඹයි
ශ්‍රී ලංකාවේ විශාලතම සීඝ්‍රයෙන් අලෙවි වන පාරිභෝගික නිෂ්පාදන සමාගමක් වන යුනිලිවර් ශ්‍රී ලංකා සිය ආහාරපාන නිෂ්පාදන එකතුවට හෝර්ලික්ස් සහ වීවා යන අද්විතීය වෙළෙඳනාමයන් එක් කොට ගනිමින් පෝෂණීය ආහාරමය පානයන් වෙත යොමු වූ බව පසුගියදා නිවේදනය කරන ලදී. එම නිවේදනය හින්දුස්ථාන් යුනිලිවර් ලිමිටඞ් සහ ග්ලැස්කෝස්මිත්ක්ලින් හෙල්ත්කෙයාර් ලිමිටඞ් අතර ඇති කරගනු ලැබූ වෙළෙඳ ගනුදෙනුවක සාර්ථක ප්‍රතිඵලයක් ලෙස සඳහන් කළ හැකිය. මේ නිවේදනයත් සමඟ හෝර්ලික්ස් සහ වීවා නිෂ්පාදනයන්හි අලෙවි සහ බෙදාහැරීමේ හිමිකාරීත්වය යුනිලිවර් සමාගම විසින් හිමි කරගනු ලැබීය.
හෝර්ලික්ස් සහ වීවා නිෂ්පාදනයන් සිය සුවිශේෂී සන්නාම අතරට එක් කර ගැනීම තුළින් ශ්‍රී ලාංකිකයන් හට ගුණාත්මක, පෝෂ්‍යදායී ආහාරපාන සැපයීමේ යුනිලිවර්හි කැපවීම තව දුරටත් සනාථ කරනු ලබයි.
යුනිලිවර් ශ්‍රී ලංකාහි ගෘහ ආරක්ෂණ, ආහාරපාන සහ ජලය පිළිබඳ අලෙවි අධ්‍යක්ෂිකා ශර්මිලා බණ්ඩාර මහත්මිය මේ පිළිබඳව අදහස් දක්වමින් සඳහන් කර සිටියේ zzහෝර්ලික්ස් සහ වීවා පරම්පරා ගණනක විශ්වාසය හා ආදරය දිනාගත් පෝෂණීය සන්නාමයන් ලෙස පෙන්වා දිය හැකියි. මෙරට ආහාර සංස්කෘතිය තුළ ගැඹුරින් මුල් බැසගෙන ඇති මෙම වෙළෙඳ නාමයන් දිවයිනේ සෑම පවුලකම පාහේ එදිනෙදා මූලික පෝෂණය සලසන ආහාරයන් ලෙස සළකනු ලබන අතර ඒ ආකාරයේ නිෂ්පාදනයන් වෙනුවෙන් ශ්‍රී ලංකාවේ වෙළෙඳපොල නියෝජනය කිරීමට ලැබීම පිළිබඳ ඉතා ගෞරවයක් කොට සළකනවා. එමෙන්ම පෝෂණය සම්බන්ධයෙන් වන අභියෝග ජයගැනීමේ අවශ්‍යතාවයෙන් යුත් ශ්‍රී ලාංකිකයන් වෙනුවෙන් වැඩි සේවාවක් ලබා දීම සඳහා මෙම සන්නාමයන්හි ප්‍රමුඛ අරමුණු තව දුරටත් සවිමත් කිරීමට හැකිවීම පිළිබඳවද ඉතාමත් සතුටට පත් වෙනවා.ZZ යනුවෙනි
හෝර්ලික්ස් ක්ෂුද්‍ර හා මහා පෝෂ්‍ය පදාර්ථවලින් සමන්විත අත්‍යාවශ්‍ය පෝෂණ කොටස් රැසකගෙන් සමන්විත වන අතර වීවා ඊ විටමින් හා යකඩ පෝෂ්‍ය පදාර්ථයන්ගෙන් පිරිපුන්ය. මෙම සුවිශේෂී ගුණාංග හේතුවෙන් පෝෂණයෙන් සපිරි සමාජයක් නිර්මාණය කිරීමේ ප්‍රමුඛ අරමුණ වෙනුවෙන් කැපවී සිටින යුනිලිවර් සමාගම විසින් හෝර්ලික්ස් හා වීවා නිෂ්පාදනයන් පාරිභෝගිකයන් හට පහසුවෙන් ලබා ගැනීමේ හැකියාව හා දැරිය හැකි මට්ටමින් ඒවායෙහි මිල පවත්වාගෙන යාම කෙරෙහි විශේෂ අවධානය යොමු කොට ඇත.
මෙහිදී අදහස් දැක්වූ යුනිලිවර් ශ්‍රී ලංකාහි පෝෂණ අංශ ප්‍රධානී මිලින්ද වීරසිංහ මහතා zzවීවා සහ හෝර්ලික්ස් ආහාරමය පානයන් ලෙස ශ්‍රී ලංකාවේ ගුණාත්මක නිෂ්පාදන වෙළෙඳපොළ තුළ සෑම වයස් කාණ්ඩයකම පාරිභෝගිකයන් අතර කීර්තියක් අත් කරගෙන තිබෙනවා. සෞඛ්‍යය හා පෝෂණය පිළිබඳ වැඩි අවධානයක් යොමු කරමින් මෙම වෙළෙඳනාමයන් නව මාවතක් වෙත පිවිස ඇති අතර ඒවායෙහි ඇති විශේෂත්වයන්, පාරිභෝගිකයන් අතර ඇති විශ්වාසය හා පිළිගැනීම ඉදිරියටත් පවත්වාගෙන යාමට හේතු වනු ඇති බව අප තරයේ විශ්වාස කරනවා. හෝර්ලික්ස් සහ වීවා යන සන්නාමයන් දෙකම යුනිලිවර් පවුලට ඉතා සාදරයෙන් පිළිගනු ලබනවා ZZ යනුවෙනි.
හෝර්ලික්ස් පිළිබඳව”
පෝෂණයෙන් පිරිපුන් නිෂ්පාදනයක් වන හෝර්ලික්ස් සෑම වයස් කාණ්ඩයකම පෝෂණය සඳහා අවශ්‍ය වන ඛණිජ වර්ග 8″ විටමින් වර්ග 10 සහ ඉලෙක්ට්‍රෝලයිට් 2ක් වශයෙන් ක්ෂුද්‍ර හා මහා පෝෂණ කොටස් 23කින් සමන්විත වන අතර ග්‍රෑම් 400 සහ ග්‍රෑම් 800 යන ප්‍රමාණයන්ගෙන් යුත් බෝතල්” පෙට්ටි හා පැකට් යන ආකෘති තුළින් පාරිභෝගිකයා වෙත ඉදිරිපත් කොට ඇත.
වීවා පිළිබඳව
බොහෝ ශ්‍රී ලාංකිකයන්ගේ මුදලට ගැළපෙන හොඳම තේරීම වන වීවා උකු ගතියෙන් සහ අනගි රසයකින් යුක්ත වන අතර මෝල්ට් සහ කිරි සාරයන්ගෙන් අනූනය. එමෙන්ම විටමින් ඊ සහ යකඩ පෝෂක සාධකයන්ගෙන් සපිරි වීවා ග්‍රෑම් 400 සහ ග්‍රෑම් 800 යන ප්‍රමාණයන්ගෙන් යුත් බෝතල්, පෙට්ටි හා පැකට් යන ආකෘති තුළින් පාරිභෝගිකයා වෙත ඉදිරිපත් කොට ඇත.
යුනිලිවර් පිළිබඳව
1938 වසරේ ආරම්භයේ සිටම යුනිලිවර් ශ්‍රී ලංකා” ශ්‍රී ලංකාවේ සීඝ්‍රයෙන් අලෙවි වන පාරිභෝගික භාණ්ඩ අංශයේ විශාලතම සමාගමක් බවට පත්ව ඇත.එහි වත්මන් නිෂ්පාදන එකතුවට ගෘහ ආරක්ෂණ, පුද්ගලික ආරක්ෂණ” සහ පරිභෝජන යනාදී අංශයන්හි වෙළෙඳපොලෙහි ප්‍රමුඛ පෙළේ සන්නාම 28ක් ඇතුළත් වේ. එම නිෂ්පාදනයන්ගෙන් 96%ක් ඉහළ නිෂ්පාදන ප්‍රමිතීන්ට අනුකූලව දේශීයව නිෂ්පාදනය කරනු ලබයි.
